مجتمع نواة
باختصار، هو المجتمع الذي سيغيّر حياتك.
ليش نختار Nawat Community؟
نجاوبكم بأقل من دقيقتين.
كل إنسان بداخله أحلام وأهداف يتمنى يحققها،
وحياة يتخيلها ويحب يوصل إلها.
لكن بنفس الوقت…
أكو تحديات، مخاوف، ومشاعر تثقل علينا.
تخلّي الأشياء اللي تبدو بسيطة بعيون غيرنا، تبين لنا صعبة، أو حتى مستحيلة.
فيا ترى، شنو الحل؟
نظرياً، يتلخّص بكلمتين:
العِلم والعمل.
1️⃣ نتعلّم حتى نفهم نفسنا والعالم بشكل أعمق
2️⃣ ونعمل على تطبيق اللي تعلمناه
لكن الصعوبة دائماً تبقى:
من وين أبدأ؟
ومن هذا السؤال، انطلقت فكرة “نواة”.
لأن النواة هي أعمق، وأصغر نقطة بداية.
أسسنا مجتمع نواة، حتى تكون هاي المساحة اللي تنوّرلك طريق التغيير.
بعالمنا، أكو هواي دورات، محاضرات، وكتب…
وكثير منها مفيد، بس وسط كل هالفوضى بالمحتوى، ضِعنا.
صارت عناوين بكل مكان، نشترك، نترك، ونرجع لنفس المكان.
فقررنا نخلق مساحة مختلفة.
مو كورس يوم أو أسبوع وينتهي،
بل مجتمع دائم العطاء والتأثير.
مثل بيت إلكتروني نرجع له، نشتغل بي، نغوص بعمق، ونصعد سوا درجة بعد درجة.
بمجتمعنا، رح تلتقون مع منى بجلسة تدريبية كل شهر.
كل جلسة بمثابة مغامرة تسلّق قمة جديدة،
تاخذكم لمستوى أعمق بداخلكم…
تستكشفوه، تطوروه، وتعيشوه طوال الشهر،
لحد ما تجي الجلسة التالية، وتاخذكم بمغامرة فكرية وروحية جديدة.
لهذا، خلو ببالكم:
جلساتنا مو خفيفة.
ما نطبطب، وما نجمّل الألم.
بيها صراحة، حتى لو كانت قاسية أحياناً، ولكنها بحُب، ودعم.
ببساطة، كل جلسة تعتبر كورس مصغّر.
مواضيعها تمس أعمق التحديات اللي نمر بيها:
العلاقات، الثقة بالنفس، الإحساس بالعار والخجل، وغيرها.
والمميز؟
لأنها مو كورس واحد ويخلص، بل مجتمع دائم،
فأنت كعضو ويانا، صوتك وتحدياتك رح تكون جزء من صناعة الرحلة.
ولهذا قلنا:
هذا المجتمع الي رح يغيّر حياتك.
لأنه بوابة علم ومعرفة مستمرة،
رح تساعدك تشوف التغيير درجة درجة…
بهدوء، واستمرارية.
إلى أن يجي يوم وتلتفت،
وتشوف وين صرت… وتقارن وين كنت.
وتنصدم.
ويغرق قلبك بمشاعر الامتنان والحب.
لربك، لنفسك، ولكل ما هو حولك.
أسعار الاشتراك
أكيد عندكم فكرة عن أسعار التدريبات بهذه المواضيع، ومع ذلك
قررنا نخلي الاشتراك رمزي.
حتى نثبت لكم من جانبنا التزامنا وإيماننا بقوة هذه الجلسات، ورغبتنا بأن نستثمر بيك على المدى البعيد.
فالسؤال الآن من جانبك:
هل أنت جاهز؟
الاشتراك الشهري
- اشتراك يدفع بشكل شهري عن طريق البطاقة
مميزات عضوية المجتمع
ستتمكن من حضور جميع الجلسات التدريبية الشهرية مجاناً من أي مكان بالعالم لأنها ستكون اونلاين مباشرة. وسيكون لديك الوصول لكل الجلسات السابقة لأنها ستكون مسجلة.
إضافةً للجلسات التدريبية، رح توصلكم بداية كل شهر محاضرة صوتية لغرض التأمّل، تساعدنا نحدّد نية الشهر، ويكون التأمّل بمثابة دعوة صادقة بينّا وبين ربّنا، تثبّت النيّة بداخلنا، وتخلينا نمشي الشهر بوضوح ووعي.
رح يكون أكو كروب على التلكرام، يجمعنا، ومساحتنا، وبيتنا الروحي، الي نشارك بيهه لحظاتنا وتحدياتنا وانجازاتنا مع بعض.
مفاجئتنا الأكبر
جلسة فردية خاصة مع منى الموسوي
يحق لكل عضو مشترك في مجتمعنا لمدة 3 شهور أو أكثر مستمرة التقديم على طلب جلسة فردية خاصة مجاناً. علماً أن سعرها الأصلي هو 150$. وسيتم اختيار المستفيدين من قبل المدربة حسب الأولوية والاحتياج والاستعداد.